പണത്തിന്റെ സമയ മൂല്യം എന്നാൽ എന്താണ്?
പണത്തിന്റെ സമയ മൂല്യം (TVM) എന്നത് ഭാവിയിൽ ലഭിക്കാവുന്ന പണത്തേക്കാൾ വർത്തമാനകാലത്തെ അതായത് ഇപ്പോൾ ലഭിക്കുന്ന പണത്തിന് ആണ് മൂല്യം ഉള്ളത് എന്ന് പ്രസ്താവിക്കുന്ന ഒരു ആശയമാണ്. കാരണം ഇന്ന് നിങ്ങളുടെ പക്കൽ ഒരു നൂറ് രൂപ ഉണ്ടെങ്കിൽ അത് നിക്ഷേപിച്ച് പലിശ നേടാൻ കഴിയും. അങ്ങനെ നേടുന്ന പലിശ മുതലിൽ കൂട്ടുകയും ഭാവിയിൽ ആ നൂറു രൂപ ഇന്നത്തെ നൂറു രൂപയെക്കാൾ മൂല്യമുള്ളതായിത്തീരുകയും ചെയ്യും.
നിക്ഷേപത്തിലൂടെ മാത്രമേ പണം വളരുകയുള്ളൂ. നിക്ഷേപം വൈകുന്നത്തിലൂടെ നിങ്ങളുടെ അവസരമാണ് നഷ്ടമായേകുന്നത്.
പണത്തിന്റെ സമയ മൂല്യം ഉദാഹരണം നോക്കുക.
നിങ്ങളുടെ പണം എന്തുചെയ്യണമെന്ന് ആലോചിക്കുമ്പോൾ, നിങ്ങൾക്ക് എത്ര കാലം കാത്തിരിക്കണമെന്ന് നിങ്ങൾ എപ്പോഴും ചിന്തിക്കുക. ഉദാഹരണത്തിന്, നിങ്ങളുടെ കൈവശം ഇപ്പോൾ 1000 ഉണ്ടെന്നും അടുത്ത ഒരു വർഷത്തിന് ശേഷം 1250 രൂപ വേണമെന്നും കരുതുക, ആ 1000 രൂപ 5% പലിശയിൽ നിക്ഷേപിച്ചാൽ ഒരു വർഷത്തിനുള്ളിൽ നിങ്ങൾക്ക് ഏകദേശം 1050 രൂപ മാത്രമേ ലഭിക്കൂ. പകരം നിങ്ങൾ അതേ 1000 രൂപ 10% പലിശയ്ക്ക് നിക്ഷേപിച്ചിട്ടുണ്ടെങ്കിൽ, ഒരു വർഷത്തിന് ശേഷം നിങ്ങളുടെ നിക്ഷേപത്തിന് ഏകദേശം 1250 രൂപ മൂല്യമുണ്ടാകും.
അതെ സമയം ആ പണം തന്നെ നിക്ഷേപിക്കാതെ എവിടെ എങ്കിലും മാറ്റി വച്ചിരിക്കുകയും ഒരു വർഷത്തിന് ശേഷം എടുത്ത് ഉപയോഗിക്കാൻ ശ്രമിക്കുകയും ചെയ്താൽ ഇന്ന് ആ പണം കൊണ്ട് വാങ്ങാൻ സാധിക്കുന്നത് ചിലപ്പോൾ ഒരു വർഷത്തിന് ശേഷം നിങ്ങൾക്ക് കഴിഞ്ഞെന്ന് വരില്ല.
ഒരു തുകയുടെ ഇപ്പോഴത്തെ മൂല്യം എങ്ങനെ കണക്കാക്കാം?
ഇന്നത്തെ ഒരു തുകയുടെ യഥാർത്ഥ മൂല്യമാണ് ഇപ്പോഴത്തെ അതിന്റെ മൂല്യം. നിങ്ങൾ ഇന്ന് ആ തുക നിക്ഷേപിച്ചാൽ ഭാവിയിൽ അതിന് ലഭിക്കാവുന്ന പലിശയും മറ്റ് ലാഭങ്ങളുടെയും ആകെത്തുകയായാണ് ഇത് കണക്കാക്കുന്നത്.
ഒരു തുകയുടെ ഭാവിയിലെ മൂല്യം എന്നത് അതിന് ലഭിക്കാവുന്ന പലിശയും പണപ്പെരുപ്പവും കണക്കിലെടുത്ത് ഭാവിയിൽ അതിന് എത്ര മൂല്യമുള്ളതായിരിക്കും എന്ന് കണക്കാക്കാം.
ഒരു തുകയുടെ നിലവിലെ മൂല്യം അതിന്റെ വാർഷിക പലിശനിരക്ക് കൊണ്ട് ഹരിച്ചോ അല്ലെങ്കിൽ അതിന്റെ നിലവിലുള്ളതും ഭാവിയിലുള്ളതുമായ മൂല്യങ്ങൾ വെവ്വേറെ കണക്കാക്കി അവയെ ഒരുമിച്ച് ചേർത്തുകൊണ്ടും കണക്കാൻ കഴിയും.
എന്താണ് കോമ്പൗണ്ട് പലിശ? അതിന്റെ ഫോർമുലയും ഉദാഹരണങ്ങളും എന്തൊക്കെയാണ്?
കോമ്പൗണ്ട് പലിശ പണത്തിന്റെ സമയമൂല്യത്തിനെ വളരെ അധികം സ്വാധീനിക്കുന്നു.
കോമ്പൗണ്ട് പലിശ (കൂട്ടുപലിശ) എന്നത് പ്രാരംഭത്തിൽ ഉള്ള മുതലും അതിന്മേൽ നേടിയ പലിശയും തമ്മിൽ ചേർത്ത് അപ്പോൾ കിട്ടുന്ന തുകയ്ക്കും പലിശ നേടുന്ന പ്രക്രിയയാണ്.
തുല്യ ഇടവേളകളിൽ ലഭിക്കുന്നതോ അല്ലെങ്കിൽ നൽകുന്നതോ ആയ പണത്തിന്റെ ആകെ തുക കണക്കാക്കാൻ ഉപയോഗിക്കുന്ന ധനകാര്യത്തിലെ ഒരു പ്രധാന ആശയമാണിത്.
കൂട്ടുപലിശയുടെ സൂത്രവാക്യം താഴെപറയും വിധം ആണ്:
A = P (1 + R/n)nt
ഇവിടെ A = ഒരു നിക്ഷേപത്തിന്റെ ഭാവി മൂല്യം,
P = ഇപ്പോഴത്തെ മൂല്യം,
R = വാർഷിക പലിശ നിരക്ക്,
n = പ്രതിവർഷം ഉള്ള കോമ്പൗണ്ടിങ്ങുകളുടെ എണ്ണം.
t = പണം നിക്ഷേപിച്ചതോ കടം വാങ്ങിയതോ ആയ കാലയളവ്
ഒരു നിക്ഷേപത്തിൽ നിന്ന് കാലക്രമേണ എത്ര പണം സമ്പാദിക്കുമെന്ന് കണക്കാക്കുന്നതിലാണ് കൂട്ടുപലിശയുടെ ഏറ്റവും സാധാരണമായ ഉപയോഗം. ഒരു ലോണിന് കാലക്രമേണ എത്ര ചിലവ് വരും എന്ന് കണക്കാക്കുന്നതിനും ലോണുകൾക്ക് എത്ര തുക ഈടാക്കണമെന്ന് കണക്ക് കൂട്ടുന്നതിനും ഇത് പ്രയോഗിക്കാം.
ഉദാഹരണം നോക്കുക.
P = 10000
R = 5%/100 = 0.05 (decimal).
n = 12
t = 10
A = P (1 + R/n)nt എന്നതിൽ A=10000(1+0.05/12)^(12(10)) = 16470.09 എന്ന് ഉത്തരം ലഭിക്കും, അതായത് പതിനായിരം രൂപ മാസം അഞ്ച് ശതമാനം പലിശ നിരക്കിൽ നിക്ഷേപിച്ചാൽ പത്ത് വർഷത്തിന് ശേഷം 16470.09 രൂപ ആയി മാറും.
(note: ^ means to the power of എന്നാണ്)
ഉപസംഹാരം:
ഇപ്പോൾ ലഭിക്കുന്ന നൂറ് രൂപ ഭാവിയിൽ ലഭിക്കുന്ന നൂറ് രൂപയെക്കാൾ വിലയുള്ളതാണെന്ന ആശയമാണ് പണത്തിന്റെ സമയ മൂല്യം. സാമ്പത്തിക മേഖലയിലുള്ള എല്ലാ കാര്യങ്ങളെയും പണത്തിന്റെ സമയ മൂല്യം ബാധിക്കുന്നതായി കാണാം.
സാമ്പത്തിക ആസൂത്രണത്തിന്റെയും റിസ്ക് മാനേജ്മെന്റ് പ്രവർത്തനങ്ങളുടെയും അവിഭാജ്യ ഘടകമാണിത്.
അപ്പോൾ ഇന്ന് തന്നെ നിങ്ങളുടെ കൈവശം വെറുതെ ഇരിക്കുന്ന പണം നിക്ഷേപമാക്കി മാറ്റുക.
ഇന്ന് തന്നെ നിക്ഷേപം ആരംഭിക്കാൻ ഒരു മികച്ച ട്രഡീഷണൽ ബ്രോക്കറെ തിരഞ്ഞെടുക്കുക.